NEW LOVE

عزيزى الزائر يرجي التكرم بتسجبل الدخول اذا كنت عضو معنا
ان لم تكن عضو وترغب في الانضمام الي اسرة المنتدي
يسعدنا تسجيلك معنا
NEW LOVE


NEW LOVE


 
الرئيسيةس .و .جالتسجيلدخولعالم المرأهافلام اجنبىافلام عربىمسلسلات وبرامجالعابموبايلبرامجالاغانىالمصارعهجروب المنتدىاتصل بنا
عدد زوار المنتدى

.: عدد زوار المنتدى :.

المواضيع الأخيرة
» كيف تحمي ايميلك من السرقه مدى الحياة
الجمعة سبتمبر 12, 2014 11:39 am من طرف شاةةشربل

» طريقة حفظ صفحات الإنترنت
الجمعة سبتمبر 12, 2014 11:37 am من طرف شاةةشربل

» تعلم كيف تربح من الانترنت
الجمعة سبتمبر 12, 2014 11:27 am من طرف شاةةشربل

» اجمل حب
الأربعاء أغسطس 13, 2014 11:00 am من طرف نور الشمس

» اعراض الحب
الخميس يوليو 31, 2014 6:40 am من طرف NEW LOVE

» المجموعة الكاملة من الــ BBC لتعلم اللغة الانجليزية Follow Me BBC Learning & BBC DVD English Plus عبارة عن 4 مستويات للتعليم بالفيديو + 30 اسطوانة اخرين
الأربعاء أبريل 30, 2014 4:12 am من طرف Firas Saleem

» تعليم اللغة الإنجليزية محادثات
الإثنين أبريل 28, 2014 10:57 pm من طرف Firas Saleem

» سجل حضورك اليومى للصلاه على الرسول
الأربعاء أبريل 09, 2014 9:51 pm من طرف القلب الطيب

»  ( لو عاوز تتعلم انجليزى بجد :: خش واتعلم اللغه الصحيحه والسهله فى وقت قصير جدااا )
الأحد أبريل 06, 2014 8:01 pm من طرف waleedsmn

احصائيات
هذا المنتدى يتوفر على 4798 عُضو.
آخر عُضو مُسجل هو شاةةشربل فمرحباً به.

أعضاؤنا قدموا 44354 مساهمة في هذا المنتدى في 9260 موضوع
بحـث
 
 

نتائج البحث
 
Rechercher بحث متقدم
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Furl  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  

قم بحفض و مشاطرة الرابط NEW LOVE على موقع حفض الصفحات

قم بحفض و مشاطرة الرابط NEW LOVE على موقع حفض الصفحات
شاطر | 
 

 اشعار الفلاح الفصيح........ كلمات ولا اروع ....تعالو معايا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دانا
مشرفة قسم الالعاب
مشرفة قسم الالعاب


الجدي
الكلب
انثى
تاريخ الميلاد: 24/12/1982
العمر: 31
الجنسية: مصريه
عدد المســاهمــات: 807
اعلام الدول:
تاريخ التسجيل: 26/12/2008
نقاط التميز: 188

مُساهمةموضوع: اشعار الفلاح الفصيح........ كلمات ولا اروع ....تعالو معايا   الأربعاء أبريل 29, 2009 12:31 pm

ياجماعه
[color=green]اولا السلام عليكم
ثانيا انا معجبه جدا بالفلاح الفصيح الشيخ امين الديب شاعر العاميه اللي ثقف نفسه بنفسه
وعاوزة انزل اشعاره
هنا ف نفس المكان كل فتره هانزل قصيده ليه
ياريت تعملو متابعه الردود عشان تعرفو معاد نزول القصيده اللي بعدها ولكم تحياتي
اول قصيده هانزلهالكم ليه
اسمها

وحلمت كأني مت........!!! :( قال حلمت كأني مُت
والحبايب غسلوني
بعد منها كفنوني
والحبايب والقرايب خرّجُوني
والصوات في الخرجه واجب
كله بينوح عليّ بالخصوص
كل الحبايب
واللي يزعق آه يابويا
والصُغَيَّر قال يا جدي.
آه يا جدي
كان بودي تبقي عايش
لما تحضر يوم جوازي
أما زوجتي تقول ياجوزي
آه ياجوزي
كنت طيب بالسلامه
الله يسامحك
كنا طبعًا زعلانين
أما جاري
علي ابن حيطه
جه عمل له ألف زيطه
قال ياخويا بأعلي صوته
واترمي عالنعش يبكي
واللي شَدُّه من ايديه
واللي بيطبطب عليه
واللي قال ترحَّمّ عليه
واللي قال له الصبر واجب
قال له أصبر.!! أصبر إيه.?
انت فاكر إن موته مش خساره.?
آه ياخويا يا ميت خسارة
بس سامعه يقول في سًرّه
روح في داهيه وألف غاره
والبنات نازلين صوات
والشباب فردوا الكراسي
والكنًب والتكايات
واللي نادي عالمآذن
واللي قال قولوا لصحابُه
في البلاد النائيه.. أو بالمكروفون
واللي قال مات الكبير
أصله طيب كان أمير
واللي بيعدد محاسني
واللي بيفتش عيوبي
واللي بيقَطَّع في توبي
واللي قال راجل وشهم
والعيوب صًبحت سهام
كل واحد خدٍله سهم
والسهام فيها اللي صابت
والسهام فيها اللي خابت
أما شاعر جه يعزي..
قال أمين.?!!
ألف رحمه ونور عليه
عنده مبدأ
حَبٍ مصر
حَبٍ أهله.. وحب ناسه
والكلام كان هوَ فاسه
حتي غيطه.. كان عقول الفلاحين
كل واحد.. كان بيحصد من زراعته
كان فلاحته.. فكر راقي
كان بيزرع من كلامه
فكر في العقل الشراقي
كان خزين خبرة سنين
ألف رحمه ونور عليه
كل واحد قال آمين
واللي قال كان زهره حلوه
انقطف قبل الأوان
كنت سامع كل كلمه
بس من غير الودان
كنت شايف كل حاجه
بس من غير العيون
كنت حاسس كل حاجه
بس من غير الحواس
كنت مخلوق شكل تاني
بس مش رجلين وراس
كنت همسه
كنت نسمه
كنت طيف
كنت باسبح في الهوا
والكون لطيف
كنت اشوف نفسي الحقيقه
مرة تانيه
ألقي نفسي كنت زيف
كنت اشوف الناس ورايَ
زي أوراق الخريف
باختصار الشيخ دفنّي
والجميع بيودعوني بالأنين
واللي قاعد جنب قبري
يقرا من سورة تبارك
بعدما خلصت ياسين
واللي قال ثَبت سؤاله
يا إله العالمين
لما مًشٍيُمٍ
الملايكه قوموني للحساب
يسألوني
والسؤال قد الجواب
قال لي: ربك.?
قلت واحد... هوّ رب العالمين
من رسولك.?
قلت أحمد... ابن عبد الله محمد
قال لي دينك.?
قلت مسلم.. زي كل المسلمين
قال لي ارقد.. والحساب وقت الحساب
هات جليسه
هوّ عمله يكون ونيسه.
قال لي شوف..!!
لو كان ونيسك كان كويس
يبقي عملك كان كويس
راح سايبني وتنه ماشي
أو تلاشي ماشفتهوش
جه ونيسي في أبهي صوره
قلت بسم الله تعالي..
انت مين.?
قال لي عملك.
قلت أهلا
قال لي أهلا مش فاكرني.?!!
قلت فاكرك
قال لي أيوه
اللي يزرع خير حيحصد
وانت زارع خير ح تحصد
اطمئن القبر واسع
وانت جًيتنا ف دنيا تانيه
دنيا واسعه وفيها جنه
والمطيع لله ح يلقي فيها أجر العاملين
بص شوف..?
بص شوف الأرض كوره
زي حبة رمل.. في صحراء فسيحه
بص شوف الشمس
زي نقطه ف بحر من غير لون وريحه
بص شوف الدنيا فانيه
واللي فيها كله فاني
أصله محسوب بالثواني
وانت فيها كنت فاني
وانتهيت من دنيا فانيه
وابتديت في اللانهائي.
لا نهائي للزمان
لا نهائي للمكان
لا نهائي للحدود
لا نهائي للخلود
بـــص شـــــــــوف.?...
احلي حاجه في الوجود..
قصر لؤلؤ..
لسه متشيد جديد
قلت قل لي حد فيه.?!!
قال لي أيوه... فيه شهيد.
قلت مين.?
قال لي محمود اللي فجر سوق ناتانيا
جنبه مظهر...
واللي فجر ملهي ليلي
جنبه شهداء لانتفاضه
جنبهم شهداء حماس
أما حزب الله لوحده...!
القصور لؤلؤ وماس
قلت قل لي والقصور النورانيه
الثلاثة دول لمين
رد قال لي:
اللي في الأول وفاء
بعدها مسكن دارين
بعدها جنة آيات
قلت نفسـي أكون شــــهيد
قال خلاص الوقت فات
كان يجوز قبل الممات
اللي مات من أجل دينه
مات شهيد
واللي مات من أجل أرضه
مات شهيد
واللي مات من أجل عرضه
مات شهيد
قلت آآآه كنت نفسي أموت شهيد
رد قال لي حد حاشك
كنت فين
كنت فين لما اليهود
قيدوكم بالقيود
عشموكم بالوعود
فرقوكم من سنين
كنت فين?
كنت فين لما اليهود
اشتروكم بالخيانة
عيشوكم في المهانة
علموكم الاستكانة
وانت غرقان من سنين
كـنـت فـيـن..؟؟؟؟
كنت فين وانت شايف
ان أخوك مطرود شريد
كنت فين والقدس بتضيع من ايدكم
ليه ما ثرتش وارتضيت عيشة العبيد
ليه ماشلتش قنبله تنسف وجودهم
أو تفرق شملهم وتموت شهيد..
كنت فين...؟؟؟؟؟؟؟؟
كنت ميت ولاّ عايش..؟؟؟؟
قلت عايش.
ولا باحلم اني عايش
قال لي لأ
اوعي تنطق
اوعي تنطق تاني انك كنت عايش
كــنــت مــيــت.....
ولاّ اقولك
لما يأخدوا كل أرضك
تبقي عايش؟؟؟؟؟؟
والكلاب تنهش في عرضك...
تبقي عايش؟؟؟؟؟؟؟؟؟؟
لما يبقوا مكممينك
تبقي عايش؟؟؟؟؟؟؟؟؟
واليهود بتسب دينك
تبقي عايش؟؟؟؟؟؟؟
انت يا ابني كنت خايف
قلت فعلا كنت خايف
علَّمونا ازاي نخاف
لسه ح يكمل كلامه
العيال شدوا اللحاف
والمفاجأه أذهلتني
جت مراتي وقومتني
فوقتني وقعدتني..
بحلقت وقالت لي مالك
إيه جرالك
ساعه بنخبط عليك
والعيال تنده عليك
كل ده ما سمعتناش
انت ميت؟؟؟؟؟؟؟؟؟؟؟؟
قلت أيوه كنت باحلم إني ميت
قالوا شيء ما يهمناش
قال بيحلم.
ياما لسه تعيش وتحلم
قوم وشوف الشعب ماله
كل واحد خد عياله
كله ماشي لارض سينا
واللي جاي من صنعا والامارات ومكه
واللي من بغداد وسوريا
واللي من لبنان وليبيا
واللي م المغرب وتونس
والجزاير والسودان
الشعوب جمعت شبابها
الشعوب فكت قيودها
والقياده بإيد جنودها
ناويه تطرد اسرائيل
ناويه تطرد لامريكان
يعني ثوره
قلت نفسي اسمعها تاني
قالوا تاني يعني إيه قالوا ثوره
يعني كل الشعب ثائر
قلت ثوره ضد مين.?
قالوا ضد المفسدين
ضد كل الأمريكان
والصهاينة واسرائيل
التفت لقيت عيالي
فيه سؤال راح جاي في بالي
عقل بالي قال دا حلم
قلت دا مش زي حلمي
عقل بالي قال لي فعلا حد علمي
ان حلمك قد سنك
أما ده حلم الشباب
والشباب مليان طموح
بس مكتوف بالسلاسل
وانفجر رغم الجروح
انفجرت بأعلي صوتي
قلت باحلم
صدقوني لسه باحلم
حتي برضه الناس بتحلم
صاحيه تحلم
نايمه تحلم
واللا يمكن عقلي شت
التفت لقيت عيالي
كلهم بيبحلقولي
قلت ليه بتقوموني
ما تسيبوني
ما تسيبوني ما كنت نايم
ما تسيبوني ياريتني مت
ماتسيبوني ياريتني مت
ما تسيبوني ياريتني مت..
************ WOW ********
[/color]










ادخل وشوف احلي مدونه ف الكون
واللي مش هيعلق هايتعلق
http://rawaastar.blogspot.com
الرجوع الى أعلى الصفحة اذهب الى الأسفل
Meesmoon
- - - - -
- - - - -


السرطان
الديك
انثى
تاريخ الميلاد: 29/06/1981
العمر: 33
العمل/الترفيه: موظفة
الجنسية: فلسطينية
عدد المســاهمــات: 2846
اعلام الدول:
تكريم من المنتدى: تكربم
تاريخ التسجيل: 29/12/2008
نقاط التميز: 2248

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   الأربعاء أبريل 29, 2009 6:58 pm

انا اول مرة اسمع فيه لكن قصيدة رائعة جدأ شكرا كتير يا دانا لانك عرفتيني بيه وياريت يكون هناك المزيد من قصائده لانه فعلا يستاهل انه نقرأ لهيك شعراء بكفي قصائد حب وغزل بلكن احنا نصحى من حلمنا كمان

شكرا مرة تانية عجبتني القصدية كتير وحرشحه للموضوع المميز










_______________________________



الرجوع الى أعلى الصفحة اذهب الى الأسفل
مريم
- - - - -
- - - - -


العقرب
الثور
انثى
تاريخ الميلاد: 10/11/1985
العمر: 28
العمل/الترفيه: الرسم
الجنسية: مصريه
عدد المســاهمــات: 1800
اعلام الدول:
تكريم من المنتدى: تكربم
تاريخ التسجيل: 07/01/2009
نقاط التميز: 1837

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   الجمعة مايو 01, 2009 2:19 pm

وانا كمان اول مره اسمع عنه
بس كتييييييييييييير حلو دانا
الف شكرا غاليتى
وفى انتظار المزيد منك ان شاء الله
الرجوع الى أعلى الصفحة اذهب الى الأسفل
دانا
مشرفة قسم الالعاب
مشرفة قسم الالعاب


الجدي
الكلب
انثى
تاريخ الميلاد: 24/12/1982
العمر: 31
الجنسية: مصريه
عدد المســاهمــات: 807
اعلام الدول:
تاريخ التسجيل: 26/12/2008
نقاط التميز: 188

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   الأربعاء مايو 06, 2009 6:37 am

البت باتعه
شعر: أمين الديب

البت باتعه... بنت زيد عبد الصبور
اللي أمها يوم عرسها
كان عفشها... حلّة وبابور
ومعاه كمان صندوق خشب
كان أصله سحارة صابون
فيه بنستين والمكحلة
ومراية والفلاية والملقاط
وحجر وليفة ومبخره
وقزازة كان فيها البخور
وجوز صحون
ومنٍخُلين..
والطشت والقروانه والغربال..
ومقشّه ليف...
ومقشتين عرجون
وزير وزلعة وقلتين وماجور
وحصيره من سوق التلات
ولحاف بإيدها منجداه
ومخدتين
والوش كان دمُّور
في الانفتاح
علي رأي صاحبي ولانبطاح
وفتحنا مصر سداح مداح
ونسينا حي علي الكفاح
والشعب محكوم بالسلاح
اتلخبطت كل الأمور
وقيم كتير
وعادات كتير اتغيرت
من ضمنها غًلو المهور
البنت دي
بنت أم باتعه
مش عاجبه حد في مشيها
إكمنًّها.. مشيت طريقها لوحدها
والأسرة غابت عنًّها
مشغولة عنها بعبئها
سايبينها هيًّ وشأنها
وإكمنًّها مستهدفه
الأجنبي ومعاه غبي
فكّر لها
قال أولا:
ترفض معيشة أهلها
ترفض أوامر ربها
ترمي الحياء والانتماء ورا ضهرها
تقطع جدورها بنفسها
أوعز لها
إزاي حتعرض لحمها
وتبان مفاتن جسمها
من ضفرها.. لأعلي خصله ف شعرها
عمل الصالات... تعرض موضات
والاعلانات... ماليه الشاشات
بالشنبوهات والتسريحات
وحاجات كتير فرحت بها
تاهت ونسيت نفسها
وتكلًّمك ربع الكلام بالأجنبي
وتقول هالو...
بنت أم باتعه تقول هالو
مرسيه يا شوشو وثانك يو
وكَمٍ يا توتو وياللا جو
وكبار شيوخ المسلمين
ما عرفش ليه مًتلجًّمين
والمسئولين... فتحوا الببان علي وًسعها
قام قال سلامة ألمًّها
يمكن تغيّر فكرها
ترجع لدينها وربها
وتعيش حياتها بحلوها وبمرها
راح لـ أمها...
يخطبها منها وقال لها
بصراحه بنتك..
عاوزه حد يلمّها
وأنا قدّها
قالت: وماله
البنت يلزمها الجواز
شخشخ جيوبك.. واشتري ياللا الجهاز
قال: اطلبي...
قالت: تجهز شقه.. قد أربع إوض
أحسن نابوليا في البلد
وتجيبها من دمياط
وتجيب نجف من غير عدد
والمكنسة بشفاط
والدِش قبل الدٌش
والفيديو والبوتاجاز
وتجيب لها تلاجة ستاشر قدم
وتجيب لها قبل الجواز...
الفرو والمحمول
وتجيب لها غسالة فول
أنا قصدي فول توماتيك
شقتها كاملة..
زي أي بوتيك
وتجيب لها قبل الجهاز
الشبكة طقم من الدهب
أنا مش حاقولك ألماظ
وتجيب لها فستان زفاف
من غير كمام من غير كتاف
علشان يبين صدرها
وتبان مفاتن جسمها
وتجيب غوازي تزفها
واللي اسمه إيه شهر العسل
في الشرم واللا الغردقة
وبلاش أمور البعزقة
آدي مطلبي
إن كنت قادر مهرها
قرَّب لها
أنا مش حاميّل بختها..
قال: يا ام باتعه حاجيب منين
أنا لاني راجل مرتشي
ولا أحب أجيب بالدّين
ولا أرضي بالتقسيط..
الطاق بيبقي طاقين
ويكتّبوني شيكات
أو أمضي علي ايصالات
علي إنها امانات
وحكاية مش هيّ
لو بس فات شهرين
مادفعتلوش قسطين
بدل المحامي اتنين
حايجيب له رفض الشيك
ومصيبه وقضيه
ومش حاقولك عالقرف
وحاجات مخلًّه بالشرف
اما البوليس والمحكمه
حابقي ف نظرهم منحرف
وباكسر القوانين
شوفي يا ام باتعه
أنا عندي شقه محندقه
معقوله ماهش ضيقه
فيها يادوب أوضتين
وعملت جمعيه
مع ناس أماره زيكم
وقبضتها ألفين
وادي اللي عندي وقلتلك بصراحه
وبإذن واحد أحد
ربًّك حايفرجها..
وباتعه حتريَّحك.. وتعيش مرتاحه
قالت له: قم من هنا
قم فضها سيره
أنا احترمتك.. عشان الأهل والجيره
بتقولي الفين جنيه?!!
وانا اللي قال بافتكر..
باتعه حاتخد بيه
حافظ علي كلمتك يا اهبل..
وخلًّيك زوق
دي باتعه طول عمرها
دايما تبص لفوق
لاحمر ولاخضر
وشي محزَّق وبنطلونات
والشعر فوق كتفها سايح
وفي الكوافير
مش كل طير يندبح
خد دش وانت تفوق
وتفوق لنفسك
وتتكلم كلام موزون
وفرضنا انت اللي عاقل
والمستمع مجنون !
ألفين جنيه للغوازي واللا للمأذون?!!
فيه ناس كتير زيكم مش عايشة في الدنيا.
مابتسمعوش الرداوي.. واللا تلفزيون?!!
شفت اللي بيقدمه الحاج متولي?!!
الشقه بالعفش كامله..
وفلوس كتير في البنك
كتبه لعروسته..
دَا غير اللبس والمصاريف
شايفاه بعيني
ولا واحد غريب قالًّلي
كل المسلسل تابعته دقيقه بدقيقه
والحاج متولي إلاهي لم يشوف ضيقه
راجل صحيح مًقٍتًدًر
كل البنات عاوزاه
وباتعه بنتي..
إلاهي يكون نصيبها معاه
مش جاي تقولي الشباب !!
أنا ناقصه هَمٍ تقيل
قال: يا ام باتعه اسمعيني
كل دا تمثيل
قالت له: ده قصر ديل
وبلاش كلام فاضي
الشعب راضي
مافيش غيرك عامل لي تقيل
ما تكونش ماهر يا شاطر
واسم أبوك عطار
والشاي علي النار
وقاعد لسَّه عالرمله
والحلوه تيجي تلاقيك
فارش لها المنديل.?!
قال: يا ام باتعه
دي ناس بتوزع الأوهام
ساعدوا العدو بجهلهم
في الحرب عالإسلام
وأنا مش بالوم جهلهم
اللوم علي الإعلام
قالت: خلاصة الكلام
أنا بنتي مش من وقمكم
شوفولكو ناس علي قدًّكم
أنا بنتي حلوه مثقفه
حافظه الأغاني كلها.
أحدث شرايط عندها.
دي لما تلبس بنطلونها الجينز
كل الشباب تجري وتخطب ودّها
ونانسي عَجرم نفسها
ما تجيش في خصله ف شعرها
ولا تيجي ضفر ف رجلها
طب والنبي...
لو شافها واحد أجنبي
ليجيب لها.
كل اللي ييجي ف نفسها
:D

اللي اللقاء مع القصيده القادمه










ادخل وشوف احلي مدونه ف الكون
واللي مش هيعلق هايتعلق
http://rawaastar.blogspot.com
الرجوع الى أعلى الصفحة اذهب الى الأسفل
القلب الطيب
مشرفة قسم الاسلاميات
مشرفة قسم الاسلاميات


الحمل
الخنزير
ذكر
تاريخ الميلاد: 27/03/1911
العمر: 103
العمل/الترفيه: مدرس
الجنسية: مصرى
عدد المســاهمــات: 3415
اعلام الدول:
تاريخ التسجيل: 22/02/2009
نقاط التميز: 3486

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   الثلاثاء مايو 19, 2009 8:15 am

دانا انا فلاح مش ممكن تعجبى بيا هههههههههههههههه
جميلة دنا تسلم ايدك
القلب الطيب
الرجوع الى أعلى الصفحة اذهب الى الأسفل
دانا
مشرفة قسم الالعاب
مشرفة قسم الالعاب


الجدي
الكلب
انثى
تاريخ الميلاد: 24/12/1982
العمر: 31
الجنسية: مصريه
عدد المســاهمــات: 807
اعلام الدول:
تاريخ التسجيل: 26/12/2008
نقاط التميز: 188

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   الأربعاء مايو 20, 2009 6:00 am

السلام عليكم
انا جيت مره تانيه وجيبالكو قصيدة جديدة من قصاد الفلاح الفصيح
يلا بقي استمتعو بالكلمات العاميه الجميله
ومتنسوش تزوروني ف الدونه بتاعتي ياجماعه هاتنور بيكم


أخر كلام


بعد مابقلع هدومى
قبل نومى
لازم أقرا كام مقاله
نرفزونى..سخنونى
حفزونى..إنى أكتب
عن ولاد الكلب
والسفاح شارون
قول سهرت
نمت..بعد الفجر ما إدن
والعيال بيقومونى
صحصحونى
قمت مفزوع من منامى
هجت فيهم
جت مراتى قالت لى..مالك
إيه جرالك؟
ليه بتشخط فى العيال
قلت باحلم
كنت باحلم إنى ميت وانفزعت
انبسطى..؟
كشرت وبسرعة قالت:
إيه دا أصله. طب وماله
يستحق الموت وأكثر
اللى يهرب من عياله
كنت فين م المغربية؟
تيجى بعد الفجر مادن؟
إنت فاكر إن دا ح يخيل على
شعر إيه؟
واللا إيه بتهببه.. وتقول قضيه
هى فين هى القضيه؟
هم يعنى كلمتينك.. اللى حى يحلوا
القضية؟
هيه ناقصة
وإحنا مالنا
ما انت شايف . كله خايف
والمدافع همسه حايره..عالشفايف
وانت عارف
الصهاينة ناس قويه.. ومفتريه
واللى أدهى من داكله
لما يبقى الكل نايم.. وانت قال تكتب
قصيده!!
عن ولاد الكلب والسفاح شارون
أبقى نايمه!!
أسمعك بتقول شارون؟
من غير سلام ولا يحزنون!
انت فاهم إنه ح يهمه الكلام؟
واللا دول عايزين سلام؟
واللا ح يخاف من كلام؟
هو همه من كلينتون. واللابوش
واللاهمه من باراك.. واللاهمه من...!
واللا عايز تبقى شاعر؟
واللا من أبنود جنابك؟
واللا عايز تقديريه؟
قلت طبعاً
أى شاعر يستحق التقديريه
يستاهلها عن جداره
مش خساره
ليه يا خويا
هو طلع إسرائيل؟
واللا عمر فى الصحارا
حاجه تانيه!!
والقطاع العام بيخسر
كان منع عنه الخساره؟
واللاسكان المقابر
كان بنالهم كام عماره؟
واللاشغل ألف عامل
أو منعهم من الدواره؟
واللا وزع عالغلابة
ألف طن من الدقيق
واللاحتى كام شيكاره؟
فوق لروحك
هو خدها عن وهيبه
والأغانى لعبد حليم
مش عشان حل القضيه
القضية هى.. هى
واحنا فى الخيبه القويه!
قلت جاهله.
إنتى جاهله
انتى فاكره الشعر ساهل؟
دا اللى ينكر فضل شاعر
يبقى جاهل
قلبك ابيض
مش حترجع الا لما يحبسوك
عالكبر ويبهدلوك
انت بتقول يا سادتنا يا قادتنا..
ارفضوا تهديد أمريكا والتحيز لليهود؟
طب ولو زعلت أمريكا
طب منين حيأكلونا؟
والحكومة نفسها بتمد إيدها
ويقولوا لهم شحتونا!!
انت عايز يحبسونا ؟
لوعايزنا نقب اكتب
حط همك فى الأغانى
فطر الشعب بأغانى
نيم الشعب باغانى
والأغانى..
بيبعوها بالدولار الأمريكانى
واللا يعنى جت علينا
واشتهينا الفقر.. تانى؟
عيش وهيص
شجع الأبطال ولادنا
اللى رفعوا راس بلدنا
مسخروا أولاد ناميبيا
واللا ليبيا.
عيش وهيص..
انت يعنى كنت غاندى..؟
واللا حافظ واللا شوقى؟
واللا بيرم أو جاهين؟
مانت طول عمرك بتكتب!
حد سمعك؟
قول لى مين؟
والا كام واحد بيحضر
فى النداوى ف أى حته
حتلاقيهم..خمسه سته!
أما لو تكتب أغانى
تبقى نجم ولك سماك
واللى جاى يطلب لقاك
واللى يتصور معاك
والصحافة والإذاعه
والبرامج..
كله ح يسجل معاك
زى شعبان عبدالرحيم
واللا شوف جمهور حكيم
تبقى شاعر زى صاحبك
كل واحد يرضى عنك
الحكومه والصهاينه والخلايجه
والتوانسه
والاجانب والذوات
بالخصوص صنف البنات
هو دا آخر كلامى
تمشى بيه.. أو تفارق من سكات
ميت يمين ماتقول قصيده
لاملا كل الدار صوات
واللى يسأل تانى عنك
راح اقول له غار ومات!











ادخل وشوف احلي مدونه ف الكون
واللي مش هيعلق هايتعلق
http://rawaastar.blogspot.com
الرجوع الى أعلى الصفحة اذهب الى الأسفل
Meesmoon
- - - - -
- - - - -


السرطان
الديك
انثى
تاريخ الميلاد: 29/06/1981
العمر: 33
العمل/الترفيه: موظفة
الجنسية: فلسطينية
عدد المســاهمــات: 2846
اعلام الدول:
تكريم من المنتدى: تكربم
تاريخ التسجيل: 29/12/2008
نقاط التميز: 2248

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   الأربعاء مايو 20, 2009 8:51 pm

عجبتني قوي قوي
ماشاء شاعر بجد
الله عليكي يا دانا يسلمووووووو ايديكي وانتظر المزيد
مشكورة كتير










_______________________________



الرجوع الى أعلى الصفحة اذهب الى الأسفل
دانا
مشرفة قسم الالعاب
مشرفة قسم الالعاب


الجدي
الكلب
انثى
تاريخ الميلاد: 24/12/1982
العمر: 31
الجنسية: مصريه
عدد المســاهمــات: 807
اعلام الدول:
تاريخ التسجيل: 26/12/2008
نقاط التميز: 188

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   الخميس مايو 21, 2009 1:34 am

اي خدمه يا قمرايه ولسه فيه اجمل من كده










ادخل وشوف احلي مدونه ف الكون
واللي مش هيعلق هايتعلق
http://rawaastar.blogspot.com
الرجوع الى أعلى الصفحة اذهب الى الأسفل
فراشه الاحزان
ـــــــــــــــــــ
ـــــــــــــــــــ


الجدي
الحصان
انثى
تاريخ الميلاد: 25/12/1990
العمر: 23
العمل/الترفيه: الرسم
الجنسية: مصريه
عدد المســاهمــات: 37
اعلام الدول:
تاريخ التسجيل: 08/05/2009
نقاط التميز: 37

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   الجمعة مايو 22, 2009 11:09 pm

الرجوع الى أعلى الصفحة اذهب الى الأسفل
القلب الطيب
مشرفة قسم الاسلاميات
مشرفة قسم الاسلاميات


الحمل
الخنزير
ذكر
تاريخ الميلاد: 27/03/1911
العمر: 103
العمل/الترفيه: مدرس
الجنسية: مصرى
عدد المســاهمــات: 3415
اعلام الدول:
تاريخ التسجيل: 22/02/2009
نقاط التميز: 3486

مُساهمةموضوع: رد: اشعار الفلاح الفصيح........ كلمات ولا اروع ....تعالو معايا   السبت مايو 23, 2009 6:46 am

جميلة دانا ومسنتين المزيد
تقبلى مرورى
الرجوع الى أعلى الصفحة اذهب الى الأسفل
 

اشعار الفلاح الفصيح........ كلمات ولا اروع ....تعالو معايا

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
NEW LOVE ::  ::  :: -